Bismillahir Rahman Nirrahim
Aaj ki tareekh me, har 24 ghante me 1 Lakh 54 hazar, Rabb-e-Kareem ke sachche Kalam ke bataye huwe rishte ke mutabik hamare khooni rishte ke BHAI BAHEN:"
Aye Logo! Humne Tum sab ko ek hi Mard o Aurat se paida kiya, aur Kunbe aur Qabile bana diye taake tum ek doosre ko pehchano." [ Surah Hujrat : 13 ]
Ya'ni Soutele BHAI BAHEN nahi, Maa related, Baap related, khooni rishte ke Haqiqi bahen bhai, aur humare Nabi ke Ummati:"
Aap keh dijiye, Aye Logo! Main tum sab ki taraf ALLAH ka Rasool hoon". [ Surah A'raaf : 158 ]
Aur Humare Rabb ke Bande, Baqol Farman e Rasool:"
Aye Logo! Tumhara Baap ek hai aur Tumhara Rabb ek hai."
Kufr aur Shirk ki mout mar kar hamesha ki Dozakh ki Dard-Naak AAG me hamesha ke liye chale jate hain, is AAG me jo kabhi bujhegi nahi, kam bhi nahi hogi, jiski garmi har aan bardhte jayegi:"
Tum apne kiye ka mazah chakkho, Hum tumhra azaab bardhate rahenge." [ Surah Anbiya : 30 ]
Aur humare mulk India me to yahi se zahiri tourpar Chitta me jala diye jate hain, har second me takriban 2, ek line is Article ki likhi gayi ya padhi gayi, itni der me 10 Log Dozakh ki Aag me jhulas gaye aur hamesha ke liye. Mout bhi inko na aayegi ke mout ke baad saza ka khatma ho jayega.
Almiya ye hai ke Khaire Ummat ke afraad hum ko, ALLAH ne Nabi Rahmatul LiL Aalameen ki khatme Nubuwwat ke Sadqe me, in logon ko Aag se bachane ki zimmedari Mansabi ke taur par di thi, Goya hum log Fire Brigade Staff ke log hain, jin ko khatme Nubuwwat ke baad barpa hi ALLAH k bando ki khair khuwahi aur in ko DOZAKH KI RAAH se bachane ke liye kiya gaya hai,
Fire Brigade ke Center ke saamne sirf ek Admi apni CAR ke Accident me Aag lagne se jal jaye, ya ek Gaadi me kuch afraad jal jaye, aur abhi mare bhi nahi, Hospital me hain, to pure mulk me Ha- Ha Kar Mach jayega, Agar Fire Brigade Police ke log saamne rehte huwe apne khane sone me mast rahe, aur is Aag ko bujhane ki koshish bhi na kare...to ayse Police walon ke liye har saza baja hogi...,
1 Lakh 54 Hazar Log, har din o raat me Kufr o Shirk par mar kar hamesha ki Dozakh ka Eindhan (fuel) ban kar is HaadSeh (Accident) se dochar ho jate hain, jis se bada koi HaadSah nahi, Aur ye Haqeer bahot survey aur tahqeeq ke baad badi zimmedari se ye baat arz kar raha hai ke Aaj ki tareekh me Kufr o Shirk par marne walon me 1 Lakh 54 Hazar me se, ek ke kaan me bhi hum ye baat kisi bhi zariye se nahi pahonchayi ke:"
QOOLU LAA ILAHA ILL-ALLAH TUFLIHOON""
LAA ILAHA ILL-ALLAH KEH LO KAMYAAB HO JAOGE"
Apne gird Area me base Gair-Muslim Bhai Baheno se maloom kare to andaza hoga, in me se kisi ne Khuwab me bhi nahi dekha hoga ke ISLAM KE BAGAIR NAJAAT NAHI, ya Musalmano ka kaam DA'AWAT hai, aur Musalman ye kehte hain ke Kalma padhe bagair hamesha ki Dozakh se Najaat Na-Mumkin hai,
Wo to saari Butt Parasti aur Shirk, aur apne Devi Devtao ke naam par aziyat- naak Qurbaniya, aur mujahide 100% yaqeen ke saath karte hain ke hum Najaat ki Raah par hain, Is liye wo lambi Umr me marne walo ki wafat par Gaje-Baje, Dhol-Dhapal aur Taqribat manate hain, ke Haq mazhab par itni lambi muddat rahe, ab iska badla diya jaye..
AUR IS PAR BHI HUM YE SAMAJH BAITHE HAIN KE HAQ PAHONCH GAYA HAI AUR HUM KEHTE HAIN KE SAB KO MALUM HAI KE HAQ KYA HAI ?
JAAN BOOJH KAR WOH RAAH SE HATEY HUWE HAIN.
Is Haqeer ne ek do muqam par apne Buzurg Hazrat Mufti Saeed Ahmad Palanpuri Shaikhul Hadees Darul Uloom Deoband ke hawale se arz kiya, jise Hazrat ne kayi baar Hadees-e Jibraeel ke Sabaq me farmaya: ke Arkaan-e Islam me pehla Rukn, Shahadat"LAA ILAHA ILL-ALLAH, MUHAMMADUR RASOOL ALLAH"hai, ye Gair Muslimo me Islam ki Da'awat hai,
Is liye khudara har aan kufr o Shirk par marne walo aur ja-baja Chitta me jalayi jane wali in arthiyo par taras khaye ke ye to gaye, ab zinda rehne wala to IS AZEEM HAADSEY SE BACH JAYE."
Agar tum na manoge to ALLAH tumhari jagah doosri Qaum Le aayega jo tum jaise na hoge". [ Surah Muhammad : 38 ]
Ghair Muslimo ko Islam ki Dawat dena aham tareen Fariza hai,
Islam ke arkaan me pehla rukn Tauheed aur Risaalat Muhammadi ki gawahi dena hai, aur gawahi munkir ke saamne di jati hai, aur Azaan me agar che 5 waqt ye gawahi di jati hai, Gair Muslim sunte bhi hain, magar isko samajhta koun hai, pas wo Dawat Na kaafi hai, Surah Ibrahim me irshad Pak hai:
"Aur Nahi bheja Humne koi Rasool magar iski Qaum ki Zuban me, Ta ke wo inke samne Deen ko khol kar bayan kare, phir jisko ALLAH Ta'ala chahe gumrah karte hain, aur jisko chahe Hidayat deta hai aur wahi Ghalib Hikmat waala hai."
is Aayat me iski ahmiyat wazeh hoti hai ke har Qaum ko iski zuban me Dawat di jati hai tabhi Dawat ka faidah saamne aayega.
Is waqt bade afsos ki baat ye hai ke is Farize ki taraf se umoomi gaflat paayi jati hai.
>Mufti Saeed Ahmad Palanpuri DB. Shaikhul Hadees Darul Uloom Deoband
Assalamu Alaikum...
kya aap jaante hain?
India me 80% Gair Muslim hai aur 20% Muslim.
20% Muslim ka haal dekhiye:
20% Muslim mese 12% Muslim wo hai jo bilkul hi BeDeen hai, yani Kalma Namaz...Shariat aur Sunnat se ghafil hain....
Ab 20% Muslim mese 12% ko nikaal do to 8% bachte hain.
8% Muslim mese 5% Muslim wo hai jo Deendar kehlate haint, magar mamool waale hain yani jinhe sirf apni Deendari, Karobaar aur ghar ghirasti se hi matlab hai aur yehi inka daily mamool hai. inki Deendari inhi tak mehdood hai.
Aur 8% mese 3% Muslim wo hai, jo Aalim, Hafiz, Ulama aur Da'ee hazraat hai jo apni Deendari ke sath sath doosro tak Deen ko pohnchane ki mehnat bhi kar rahe hain...
Khulasa:
80% Gair Muslim ke sath sath 12% Muslim (jo Deen se door hai) in tak Deen ko pohnchana hai...
Yaani kul 92% tak Islam ki Da'wat ko pohnchana hai...
Kya sirf 3% Muslim 92% tak Dawat pohnchane ke liye kaafi hain???
percentage nikala jaye to sirf 0.5% tak hi Da'wat pohonch rahi hain...
ALLAH TA'ALA IS BAAT KI AHEMIYAT aur ZAROORAT KO SAMAJHNE KI TAUFEEQ DE...Ameen
Kya Aap ye bhi jaante hain???
Deen ki jo mehnat ho rahi hai wo 99.9% Sirf 20% Musalmano par ho rahi hai...
Jaise Tablighi Jamat, Madaris, Khanqah, Makatib, Tasnif Taleef, Islahe muashra par jalse, darse Quran, etc...etc.
Sirf 20% Musalmano par itna kaam ho rah hai Aur Gair Muslim 80% hone par in par 0% mehnat...?????
Hum ye tasawwur kare k saare k saare Log Jahannam k gardhe k kinare khade hain, hume inhe Jahannam me girne se bachana hai, agar humne inhe nahi bachaya to wo hamesha k liye Jahannam me gir jayenge...
Nabi Sallallahu Alaihi Wasallam k Dil me Mushrikeen ko Jahannam se bachane ki itni tadap thi, k ALLAH Ta'ala ko Qur'an me 128 muqaam par Apne Nabi Ko Tasalli deni padi... Seerat ki kitabo me likha hai k Aap (SAW) sirf Abu Jahal k paas 300 se zyada martaba Dawat e Islam dene tashrif Le gaye the..Allahu Akbar
Aaj Duniya ki 5 Arab se zyada ki aabadi (5000000000+) JAHANNAM k dahaane par khadi hai...
Aur Rozana 24 Ghante me takriban 1 Lakh 54 Hazar (154000+) Log Imaan k bagair mar kar hamesha k liye Jahannam me chale jate hain...
No comments:
Post a Comment