DA'WAT E DEEN - WAHID HAL
(Zaroor Poora Padhe)
Ye ek haqiqat hai k hamare mulk me Hukumat koi bhi kare, Hasbe Sabiq Tawaqqo yahi hai k Musalmano ki taraf adam Tawajjo k baa-is Musalmano k masail "Jou ke Tou" mojud rahenge, itne bade mulk me, itni badi Aqalliyat me hone k baa-is, Mulki polisiyon par asar andaz hona, aur Iqtadar k Eiwano ko apni zaruriyat k mutabiq dhalna hamare liye Aasaan nahi hai, ye raah itni dushwar hai k guzishta 62 saalo me Lagatar jaddo jahad aur fikar k bawajud hum koi Qabile zikr kamyabi hasil karne me Nakaam rahe hain, is liye Quran o Sunnat ki haamil aur Aasmani Taleemat ki amanat-dar Ek Qaum ki haisiyat se hame is silsile me bhi Deeni Talimaat aur Islami Nazariyat se hi Rahnumayi hasil karni chahiye. .
Musalman aise tamam Mulko me jahan Aqalliyat me ho, aur wahan ki Hukumat par asar andaz hone aur apne Deeni Tashakhusaat(Pehchan) par Qaim rehne se majbur ho, khususan India jaise mulk me, jahan itni badi tadaad me wo rehte aaye hain, aur apne Mulk o Watan k sath aakhri darje me wafadari paish karte rahe hain, wahan k halaat me hamare saamne FIQAH ISLAMI ki roshni me 3 RAASTE HAIN:
1. Jihaad Fi-Sabilillah,
2. Hijrat,
3. Da'wat Ilallah.
(Is Silsile me Fiqhi Juziyat aur Iske tafsili dalaail k liye Mo.Khalid Saifullah Rahmani D.B Ki kitab"Dawat e Deen Musalmano k Masaail ka Wahid Hal"mulahiza farmaye)
●------- Pehla Raasta Jihad ka hai, k wo Jihaad Fi Sabilillah ko wasta bana kar apna Iqtedar Qayam kare, Aur Ahkaam e Ilahiki ittiba k liye, Aur Deen k tamam Shoabon par amal dar amad k liye saazgar mahol hasil kre, Lekin hamare Mulk me Baaz wajuhaat ki bina par ye kaam anjam nahi diya ja sakta, isliye k Islami Jihaad ki jo Shartein hain inme bahot se ikhtiyarat o Sharait k sath AMEER ka wajood bhi shamil hai, iske ilawa Ek Zaroori $HART ye hai k Pehle Mad'oo Qaum tak Islam ki Dawat pahoncha di gayi ho, aur Hum yahah in Sharait ko puri kar pane me NaKaam hain. .
●------ Musalmano k liye Doosra imkani Raasta Hijrat ka ho sakta hai, k jahan Musalmano ko apne Tshakhusat k sath Deen par chalne ki puri Azadi hasil na ho to apni zamin ko khairbaad kehde, aur kisi new sar zamin me boud o bash ikhtyar kar k apna Azad Ashiyana Tameer kre, Mulki Qawanin ki pabandiyo k ilawa itni badi Tadaad me basne wale yahan k musalmano ka kisi dusre mulk me Hijrat krna bhi mumkin nahi hai. .
●------- Isliye Moujuda Halaat me Musalmano k liye TEESRA WAHID RAASTAH, DAWAT E DEEN KA RAASTA HAI, Millate Islamiya k afrad Dawat e Deen k kaam ko apni Qaumi Zarurat samajh kar, apna Deeni Fariza Tasawwur kar ke, aur millat k ijtimayi masaail ka wahid hal tasleem krte huwe is Maidan me kamar basta ho jayen, Aur ALLAH KA PAIGAM ISKE BANDO TAK PAHONCHA KAR DAM LE , is tarah wo Islam k jism me New TAQAT, aur iski rago me NAYA KHOO paida kar sakenge aur apni zimmedari ka ahsaas kar ke bade paimane par, is kaar e khair me hissa le kar ipni aur is Mulk ki Taqdeer badal sakte hain. .
Moujuda Halaat me Hindustani Musalmano k liye har aitebaar se DA'WAT E DEEN ka mubarak kaam hi inke tamam Masaail o Mushkilaat ka WAHID HAL, aur ba haisiyat e millat hamari Kamyabi k liye Raah e Mustaqeem hai.
La phir Ek baar wahi badah o jaam AYE SAQI
www.Armughan.net
DA'WAT E DEEN Millat Ke Ek Aham Mas'ale Keliye NUSKHA E SHIFA
(Zaroor Poora Padhe)
Aaj puri duniya k halaat par gaur kiya jaye to pure Aalam me Ummat e Muslima ko ek mas'ala dar paish hai, aur puri ummat is mas'ale se joojh rahi hai, aur mukhtalif Tariqon se is mas'ale k hal keliye koshishein ki ja rahi hain....Magar isi Qadar ye mas'ala aur Ulajhta ja raha hai....
Mas'ala Ye Hai Ke Aysa Lagta Hai Ke Poori Duniya Musalmano Ki Dushman Ho Gayi Hai.
Yahoodi aur Isaai, in dono Mazahib k maan'ne walon k BUNYADI AQAID me Aakhri darje ki mukhalifat payi jati hai, wo dono Musalmano ki mukhalifat me Muttafiq ho gaye hain.
Iske alawa doosri sab Qaumein bhi Musalmano ki Dushmani k Nukte(point) par Muttahid aur Aik Jutt ho gayi hain, aur is dushmani ko door karne keliye jitni Tadbeerein aur Koshishein ki ja rahi hai, Dushmani badhti ja rahi hai, Iski Asal Wajah ye hai k HAAMIL E QUR'AN UMMAT Ne Apne Masaail ka HAL aur ILAAJ Haqeeqi Doctor aur Haqeeqi KaarSaaz ki Kitab QUR'AN E MAJID k ilawa doosre zaraye(Raaston) se Hal karne ki koshish ki hai, Jiski wajah se Haal ye hai ke:
MARZ BARHTA GAYA JO JO DAWA KI
Fa'aa Lul Lima Yureed Aur Alaa Kulli Shai-in Qadeer Haqiqi Doctor ki Kitab Quran Majid ki Surah HA-MIM SAJDAH(41) me is Dushmani ko Dosti me Badalne ka Ek Murakkab Nuskha e Akseer bataya gaya hai.
ALLAH TA'ALA KA IRSHAD HAI:
ﻭﻣﻦ ﺃﺣﺴﻦ ﻗﻮﻻ ﻣﻤﻦ ﺩﻋﺎ ﺇﻟﻰ ﺍﻟﻠﻪ ﻭﻋﻤﻞ ﺻﺎﻟﺤﺎ ﻭﻗﺎﻝ ﺇﻧﻨﻲ ﻣﻦ ﺍﻟﻤﺴﻠﻤﻴﻦ ● ﻭﻻ ﺗﺴﺘﻮﻱ ﺍﻟﺤﺴﻨﺔ ﻭﻻ ﺍﻟﺴﻴﺌﺔ ﺍﺩﻓﻊ ﺑﺎﻟﺘﻲ ﻫﻲ ﺃﺣﺴﻦ ﻓﺈﺫﺍ ﺍﻟﺬﻱ ﺑﻴﻨﻚ ﻭﺑﻴﻨﻪ ﻋﺪﺍﻭﺓ ﻛﺄﻧﻪ ﻭﻟﻲ ﺣﻤﻴﻢ ● ﻭﻣﺎ ﻳﻠﻘﺎﻫﺎ ﺇﻻ ﺍﻟﺬﻳﻦ ﺻﺒﺮﻭﺍ ﻭﻣﺎ ﻳﻠﻘﺎﻫﺎ ﺇﻻ ﺫﻭ ﺣﻆّ ﻋﻈﻴﻢ ● ﻭﺇﻣﺎ ﻳﻨﺰﻏﻨﻚ ﻣﻦ ﺍﻟﺸﻴﻄﺎﻥ ﻧﺰﻍ ﻓﺎﺳﺘﻌﺬ ﺑﺎﻟﻠﻪ ﺇﻧﻪ ﻫﻮ ﺍﻟﺴﻤﻴﻊ ﺍﻟﻌﻠﻴﻢ
Aur is se Ziyada Achchi Baat wala kon hai jo ALLAH ki Taraf Bulaye aur Nek kaam kare aur Kahe ke Mai Yaqinan Musalmano me se hun, Neki aur Badi Barabar nahi hoti, Burai ko Bhalai se Dafa karo, Phir Wahi Jiske aur Tumhare darmiyan Dushmani hai Aysa ho jayega Jaise Dilee Dost, Aur Ye Baat inhi ko Naseeb hoti hai Jo Sabr kare Aur Is Se Siwaye Bade Naseeb walon ke Koi Nahi Pa Sakta, Aur Agar Shaitan ki Taraf se Koi WasWasa aaye to ALLAH ki Panah Talab karo, Yaqeenan Wo Bahot hi Sunne Wala Jaan'ne Wala hai.
[ http://Quran.com/41/33-36 ]
Quran ke Is Nuskhe ka Pehla Juzu E Aazam me yun Irshad Hota Hai:
★"Waman Ahsanu Qoulam Mim Man DA'AA ILALALLAH"
Is se Behtar Aur Achchi wa Ahsan kiski Baat Ho Saki Hai Jo ALLAH ki Taraf Bulaye....
Apne MASLAK Ki Taraf, Apne MASHRAB Ki Taraf, Apni TANZEEM, Apni FIKAR, Apne NAZARIYE, Apne SHAIKH Ki Taraf Naheee...... Balke Iski Da'awat ALLAH ke Bando ko ALLAH Se Jodne ki Ho..... Doosre Juzye k taur par irsha hai:
★"Wa'amalu Swaleha"
Yani jis Baat ki Taraf Doosron ko Bulaye KHUD iska AMAL iski Gawahi deta ho, ke Wo Bhi Is ALLAH Se Juda huwa Aur Iski Marzi ke Mutabiq Zindagi Guzaar Raha Hai........ Teesre Juzye taur par irshad hai:
★"Wa Quala In'nani Minal Muslimeen"
Yani Is Aik ALLAH keliye Jeene aur Iske Muqable me Har Kisi ki Farman Bardari se Bara'at BaBaang Dahal (Do Touk Bezari ka Aelan kar ke) Iske Farman Bardaar hone ka Aelan kare......... Phir Irshad Hai:
★"Wala Tas'Tawil Hasanatuw-Walas-Sayyi'a"
Neki Aur Burai Barabar Nahi Ho Sakti
★"Idfa Billati Hiya Ahsan"
Burai ko Burai se Saaf Nahi Kiya Ja Sakta, NaPaki NaPaki se Nahi Dhoyi Ja Sakti, Andhere ko Andhere Se Nahi door kiya Ja Sakta..... Burai ko Bhalai se door kiya Ja Sakta Hai, NaPaki ko Paaki se door kiya Ja Sakta Hai, Andhera Roshni se khatam Ho Sakta Hai,.....
Jab Hamare khilaf Log Dushmani me Saf A'ara ho jaye, Jab Sab Log Hamari Mukhalifat par Aamadah Ho Jaye Aur Har Taraf se Hamare khilaf Log Zulm par Ikhatte Ho Jayen,.......
To Tum Is Burai ko Ahsaan se Dafa karo, Aur Dushmano Aur Mukhalifo ki Hamdardi Aur Dard'Mandi ke Sath Inki Khair'Khuwahi se Inko DA'WAT DO,.....
Phir Nuskhe ki Ta'seer aur Iska Natija Ye Bataya Gaya Hai:
★"Faizallazi Bainaka Wa Bainahu Adawatun Ka' annahu Waliyyun Hameem"
To Wo Log Aur Afrad Jin ke Dil Me Tumhari Dushmani aur Ghaiz o Ghazab (Gussa) bhara huwa Hai WO TUMHARE JIGREE DOST WALI HAMEEM Ban Jayenge,...... Aage irshad Hai:
★"Wama Yulaq'Qaha Illallazina Sabaru Wama Yulaq'Qaha Illaa Zu Hazzin Azeem"
Is Nuskha E Shifa ka Fayeda (Benefit) Aur Istemal (Use) Wahi Log Kar Sakte Hain Jo Sabr karne wale hain Aur is Nuskha E Akseer Ka Fayeda Wahi Log Utha Sakte Hain Jo Iske Mazey Se Aashna Ho Gaye Ho, Qur'an Majid me Sabse Zyada Emaan k baad SABR ki Talqeen ki Gayi hai, SABR ke Meaning ARABIC me Apni UMEED, Apne MIZAAJ Aur MAFAAD Ke Khilaf Koi Baat Dekh Kar Mushta'al Na Hone Aur Is Khair Par Jame Rehne aur Datte Rehne ke Hain.
★"Wa Imma Yanzagan-Naka Minash-Shaitani Nazgun Fas Ta'iz Billahi, Innahu Huwas-Samee'Ul Aleem"
Is Nuskha E Akseer Se Mehroom karne Keliye aur Hame Is Dushmani ke Mas'ale se Dochaar Rakhne keliye Hamara Sabse Bada Dushman Uksayega, ke Ye BuzDiLi hai, Eint Ka Jawab Patthar se dena chahiye, Hum kisi kam Nahi.... To Tum Is Dushman se Bachne Keliye Sunne Aur Jaanne Wale ALLAH Se Panah Talab Kar Liya Karo.
Jab Duniya Hamari Dushman Ho Jaye, Jab Log Hame Safa e Hasti se Mitane Aur Darpiye Aazaar (Ghulam) krne par Mujtama Ho Jaye, Jab Log Hame Shirk Ki Da'awat de Aur HAQ Se Hatane ki koshish kare Aur Hamari Dushmani me Aedi Choti ka Zor Laga De Aur Apni Saari Salahiyatein Aur Taqatein Hamare Khilaf Sarf karde, .....To bhi Tum Insaniyat ki Khair Khwahi Ka Mansab, Apne Ko Doctor Aur Doosre Logon ko Mareez, Apne Ko Muallim (Teacher) Aur Saari Duniya ko Muta'allim (Student) Samajh kar, Bhatki Huwi Insaniyat ko Iske RAB Se Jodne Aur Isko Kufr o Shirk Ki Houlnakiyon Aur Dozakh ke Raaste se Bachane ki Fikar Aur Isko Jannat Ke Raaste Par Chalane ki Fikar Karte Raho, .....ALLAH TA'ALA DILO KI DUSHMANI KO DOSTI ME TABDEEL FARMA DEGE, Phir Yahi Islam Ke Dushman Islam Ke Haamil Ban Jayenge...
Poori Insani Tareekh Gawah Hai Ke Jab Bhi Haqeeqi Doctor Ki Kitab Ke Is NUSKHA E AKSEER ko Lekar Khair Khwahi Ke Sath DA'WAT, kisi Musalman Ne Aakhri Darje Ke Dushmanaan e Islam par Paish ki, ....To Mareez Ke Halaq Aur Qalb o Dimagh me Dawa ka Asar Pahonchte hi DUSHMANI ke MARZ se SHIFAYABI Naseeb Hoti Hai...
★ Misal k Taur Par Gaur Farmaye....
●------ Umar Bin Khattab kon Hain...Jab DA'WAT ILALLAH Ki Aik Khuraak Rakhi Dawa DIL O DIMAGH Me Utri ke Mareez Shifayab Ho Kar Daar E Arqam tak Pahonchte Pahonchte Umar Bin Khattab Ameerul Momineen (FAROOQ E AZAM) Banta Huwa Nazar Aaya Aur Zabane Risalat Se"Lou Kaana Ba'adi Nabi Lakana UMAR"(Agar Mere Baad Koi Nabi Ho Sakta To UMAR Hote)
●------ Khalid Bin Waleed kon Hain...Jab DA'WAT ILALLAH Ki Aik Khuraak Rakhi, Aur DIL O DIMAGH Tak Utri To"SAIF MIN SIFULLAH"NABI (SAW) Se LaQab Paane Wale Bane , Yani ALLAH Ki Talwaro Mese Ek Talwar, Sahabi E Rasool, Aur Aashiq E Rasool Ban Gaye.
●------ Wo Wahshi Kon Hain...., Nabi (SAW) Ke LaadLe ChaCha Ke Sifaak Qatil....Aur Inki Lash ka Masla karnewali HINDA KON THI...., Nabi (SAW) Ke Piyare ChaCha Syyedush Shuhada AMEER E HAMZA ke Kaleje ko Nikal kar Kachcha Chabane Wali.
●------ Wo Duniya k Sabse Bade Firoun Abu Jahal ke Bete Ikrama Kon The...., Jinki Gutthi me Islam Aur Paighambar E Islam Sallallahu Alaihi Wasallam Ki Dushmani Bhari Huwi Thi.....
In Mese Har Ek, Aur Doosre Dushmanaan E Islam Mese Har Aik Ka Ye Haal Tha Ke Dil o Dimag Tak DA'WAT ILALLAH ki Aik Khuraak Inko Pahonchi, Aur Inko Dushmanan E Islam ke Awwal Saf Ke Marizon se Nikal Kar Sahabi E Rasool, Islam Aur Da'wat e Islam ke Alam Bardaron Balke Sardaron Ki Saf e Awwal me La Khada Kar Diya,..... Aur Inko DA'EE ILALLAH, Na Jaane Aise kitne Marizon ka Doctor, Aur Islam Aur Paighambar E Islam Ka Jaa-Nisaar Bana Diya,..
Dushmani Ko Dosti Me Badalne Ki Ye Ta'seer 1400 Saal Se Aaaj Tak DA'WAT ILALLAH Ke Is NUSKHA E AKSEER Me Apne Aakhri Darje Ki ASAR E AAFRINI Ke Saath Moujood Hai,
MAGAR AFSOS...! Ke Hum Musalman Jinko Qur'an Majid Jaisi Mujarrab Tareen Haqeeqi Doctor ki Kitab Aur Duniya ke Har Marz ki Dawa De kar Doctor Bana Kar Bheja Gaya Tha,.... Is Haqeeqi Kitab ko Chord kar Duniya ki Atkalo me Kho Gaye Aur Khud Duniya ka Ilaaj karne ke Bajaye Mareez e Mahaz Ban Kar Baith Gaye, Aur Duniya Khud Hamare Is Qur'ani ZAUQ ki Doori ki Wajah Se Dar Dar ki Thokare Khaati Rahi,... Baqol e Sha'er:
TANG SI GALIYON ME DUNIYA THOKARE KHAATI RAHI
WUS'ATON KA AASMAAn JUZDAAN ME LIPTA RAHA
★•.•´¯`•.•★★•.•´¯`•.•★★•.•´¯`•.•★
MUSALMANO KI MOJUDA PASTI KA ILAAJ
Nahmaduhu wa nusalli alaa rusoolil kareem. Amma baad
Dear Brothers/sisters,
Assalamualaikum
Musalmano ki History utha kar dekhe to har tarah ki Izzat aur daulate aur Hukumate Musalmano ke paas rahi hain.
Musalmaan izzat aur hukumat ke waaris aur logo ki nazar me pasandida rahe hain. Aaj bhi hamare buzurgo ke mazaro per Musalmano se zyada gair- muslimo ki bheed dekhi ja sakti hai. To phir aakhir aisi kya wajah hui jiski tahat aaj Musalmaan aisi buri halat aur pasti me ghira hua hai?
Har tarah ki zillat, mohtaaji, garibi, gandgi, jahalat,bad-akhlaqi, be-hayai, fahashi, musalmaano ke ilaaqo aur bastiyon me dekhi ja sakti hain. Aisa kyo ho gaya?
Jis qaum ne logo ko jeene ka tariqa sikhaya wo aaj khud mohtajo ki zindgi guzar rahi hai.
Dosto iski sirf ek hi wajah hai ki humne apne Rab ka hukum man-nna chhod diya.
Hamare Rab ne is Ummat ki tareef paise, Daulat aur hukumat ki wajah se nahi kari thi balki hamare Rab ne kaha tha ki"
"TUM BEHTARIN UMMAT HO JO LOGO KE LIYE PAIDA KI GAYI HAI. TUM ACHCHE KAAMO KA HUKUM KARTE HO AUR BURAI SE ROKTE HO"
Sura Aale Imran: 110
Is aayat per agar gaur kare to wajah sirf aur sirf ye nikalti hai ki humne DAWAT KA azeemushan kaam karna chhod diya aur apne Rab ke hukum ko tod diya jiski wajah se aaj hum museebato me giraftar hain.
1. Dwat dena ALLAH ka hukum hai.
2. Dawat dena har NABI KI SUNNAT hai
3. Daaee ko har ek bol per 1 saal ki Ibadat ka sawab milta hai
4. ALLAH itni madad kisi ki nahi karte jitni madad DAAEE ki karte hain.
5. Dawat ka ek bada faayda ye hai ki kisi aur ko hidayat mile na mile DAAEE ko hidayat zaroor milegi.
6. DAAEE ke badan per ALLAH ke raste me jis jagah dhool aur mitti lag jaaye wahan Dozakh ki aag to kya wahan ka dhuan bhi haram hai.
7. DAAEE jab ALLAH ke raste me zikr karta hai to use 70 guna zyada sawaab milta hai.
8. DAAEE ke bare me ALLAH farmate hain ki
"YAHI LOG HAIN JO FALAH PAANE WALE HAIN"
Sura ale Imraan: 104
Mere bhaiyo ye to sirf DAAE ke sirf thode se fayde hain, inka poori taur per shumar karna na-mumkin hai. Hume sochna chaiye ki humne aaj deen ke liye kya kiya.
IS BAAT KO APNE UPAR ZAROORI KAR LE KI HAR ROZ HUM THODI HI SAHI LEKIN DEEN KI MEHNAT ZAROOR KARE.
ALLAH TOFIQ DE AAMEEN..!!
Hum doosron ki Hidayat ki Fikar karen:
Humare zimme ye kiya gaya ke hum doosron ki Hidayat ki Fikar karen, in tak HAQ KA PAIGHAM PAHONCHAYE, Allah ne hume UMMAT E DAWAT banaya to ab humari zimmedari hoti hai ke hum Allah ke hukm ke khilaf na kare aur HAQ KI DAWAT doosron tak pahonchaye aur Musalmano ne is kaam ko kam o besh tariqe se anjam diya, jahan inhone is kaam ko anjaam nahi diya wahan Aakhir me inko musibatein pesh aayi, Allah ki Rahmat inse door hogayi, aur Allah ki Rahmat iske sath rehti hai jo Allah ki baat maane, aur jo Allah ki baat na maane to Allah is se NaRaaz hota hai, tou Rahmat kaise bhejega.?
Hum Log Shikwa Shikayat karte hain Masaaib ki, Aafaat ki, Pareshaniyo ki, Lekin ye nahi dekhte ke Pareshaniyan hume kyu Laahiq hain.?
Asal baat yahi hai ke Allah ki Nazar har waqt is Aalam par aur saari makhluqat par hai, har cheez ko wo jaan raha hai, dekh raha hai aur isi hisaab se wo muamla bhi karta hai, agar dekhta hai ke mukhlis hai, Allah ke hukm par chalnewala hai Tou Rahmat karta hai aur agar iske khilaf hota hai Tou Apni Rahmat ko Rok Leta hai Aur Allah Ta'ala Rahmat ko Rok Lein To phir duniya me koi Rahmat Laa nahi sakta, jo kuch Humko mila hai, insano ko mila hai, sab Allah ka diya huwa hai, Allah Ta'ala agar NaRaaz hojaye to woh cheez ruk jayegi, Zahir hai ke woh cheez Allah ke Ta'abe hain, Allah jaisa chahega waisa hoga.
Hum Khair e Ummat Hain:
Hum ko Sochna chahiye ke hum khair e ummat hai, ummat e dawat hain, hum isko kahan tak anjam de rahe hain.? Aur isko anjam dene me hum kotahi karenge to humko pareshaniyan Laahaq hogi, Musalmano ke baaz Mulk inke hathon se nikal gaye is liye ke inhone is kaam me kotahi ki, DA'IE E UMMAT NAHI BANE, hum da'ie e ummat banjaye to phir sab log Haq ko Qubool kar lenge, siwaye chand aadmiyo ke. Chand aise ho sakte hain BadBakht ke jinko Hidayat hasil na ho, Lekin jab Hidayat saamne aati hai to koi bhi Ma'aqool insan is se inkar nahi kar sakta, Allah ne Aysa Deen banaya hai aur Aysa Aqidah ataa farmaya hai ke koi bhi Sahih Ad Dimagh Aadmi isko jaan Le to isko ikhtiyar karne par majboor hota hai.
HAQ BAAT PAHONCHANE ME KOTAHI:
Sahaba e Kiram Rizwanullahil alaihim ajmaeen ke Halaat me dekhein ke sakht dushman bankar aaye aur Huzoor (Sallallahu Alaihi Wasallam) se jo kuch suna to fouran inho ne Islam Qubool kar liya, to kotahi dar'asal humari hai, Allah ka Paigham logon tak nahi pahonch raha hai, jis mulk me ye kotahi huyi wahan Musalmano ko bura natija dekhna pada, is Mulk(India) me humari zimmedari hai ke hum HAQ BAAT in logon tak pahonchaye jinko maloom nahi hai. Aur Allah Ta'ala ki Nafarmani se bachein,
2 Chizen hume Laazmi karni padegi ke hum doosron tak Haq Baat ko pahonchaye aur ye ke hum Nafarmani se bachein, hum ye karenge to Allah ki Rahmatein aayegi aur humare oupar jo musibatein aarahi hogi door ho jayegi, iski mislaale hain, Lekin agar hum isme kotahi karenge to Rahmaton ke milne ka mas'ala phir nahi rah jata, humara sabse bada mas'ala yahi hai ke Musalmano ki Aksariyat Ghaflat me mubtala hai, HAQ ka PAIGHAM pahonchane me aur ALLAH KI NAFARMANI se bachne me, bahot thode log hain jo Allah ki Nafarmani se bachte hain aur Haq ki Dawat pahonchane ka ahtemam karte hain, in hi ki wajah se muamla tika huwa hai aur ye Qaaim rahega to Insha Allah tika rahega, Lekin Masa'il aate rahenge, kyun ke aksar log is muamle me bahot ghaflat se kaam le rahe hain, to hum mese har shakhs par Farz hai ke in 2 baaton ka khayal rakhe ke jahan Haq baat pahoncha sakta ho wahan pahonchaye,
Aur Haq baat pahonchane ke liye Allah Ta'ala ne ye farma diya hai ke isko Samajhdari ke sath Hikmat ke sath karo, "Ud' ou' ilaa sabili rabbika bil hikmati wal mau-iezat-il-hasanah"
ye nahi ke aysi baat kehdo jis se aur kharabi paida hojaye, bahot khair khuwahi ke sath, hamdardi ke sath aur ma'qool hikmat ke sath Haq ki baat pahoncha de,
Aur is baat ka bhi jayeza leta rahe ke humse koi aysa amal to nahi ho raha hai ke jis se Allah ki NaRaazi ho, is liye ke hamara Faida aur Nuqsan hai, ALLAH Ta'ala ka koi Faida aur Nuqsan nahi hai, agar saari makhlooq Kafir ho jaye koi bhi Momin na rahe to bhi Allah Ta'ala ka koi Nuqsan nahi, Aur sab Musalman ho jaye koi kafir na rahe to bhi Allah ka koi Faida nahi, Allah Ta'ala is se buland hai, Isne to hamare Faide hi ke liye kaha hai ke tum agar Sahih Raaste par chaloge to Hum tumhe Aakhirat me Nihaal kar denge aur aysi Ne'amatein ataa karenge ke woh kabhi khatam na hogi aur agar nahi karoge to wahan Mehroom rahoge,
To hume apne Halaat durust karne ke liye aur Aafiyat wa Salamati ke liye in 2 chizon ka ahtemam karna zaruri hai, jab iska ahtemam karenge to dekhenge ke Allah Ta'ala Aafiyat aur Salamati ataa farmayega aur khair se Nawazega aur agar hum Haq baat pahonchane ki koshish karenge to Allah Ta'ala hum se khush hoga aur mazeed ataa farmayega.
DEEN KI DAWAT DENA FARZ HAI..
ALLAH Subhanawataala, QURAN me farmate hain ki, Aur ALLAH k (deen k) liye mehnat kiya karo jaisa mehnat karne ka haq hai. Usne (deen ki mehnat k liye) tumko chun liya hai.
SURA HAJ:78
is se maloom chala ki ALLAH ne DEEN ki dawat dene ko hamare upar FARZ kiya hai.
Doosri jagah ALLAH farmate hain
"Aap kah dijiye mera rasta to yahi hai ki main poori baseerat ke saath ALLAH ki taraf daawat deta rahu or jo meri pairvi karte hain wo bhi"
SURA YUSUF:108
yahan bhi ALLAH ne daawat dena ko ahamtarin bataya.
Aur teesri jagah ALLAH farmate hain "Kasam hai zamane ki, Insan bade nuksan me hai, magar wo (nahi) jo iman laye aur nek amal kiye aur haq (ki dawat di) aur sabr ki taqeed kari.
SURA ASR:1-3
ISLAM, JAMAAT KE SAATH HAI......!!!
Dear Brothers and Sisters,
Assalamualaikum..!!
ALLAH ke nabi Huzur Mohd. (saw) ne farmaya" ISLAM, Jamaat ke saath hai aur Jamaat, Ameer ke saath hai."
Is hadees ka mafhoom ye hai ki ISLAM yani deen-e-haq to istamaiyat ka aur judao ka aur ek ho jaane ka deen hai. Agar iske andar se Jamaat ko nikal diya to ye sirf afraad rah jaenge jo ki Shaitaan aur duniyawi burai me phas kar tabaah ho jaenge. Jaisa ki aaj kal hume aam taur per dekhne ko mil raha hai.
Aisi Istamaiyat aur Judao agar aaj dekhne ko Milti hai to sirf TABLEEGHI JAMAAT ke andar dekhne ko milti hai.
Jab kabhi bhi kisi Jamaat ko kaam ke liye bheja jata hai to logo ko hidayat kar di jaati hai ki AMEER ki baat maane aur AMEER ko hidayat kar di jaati hai ki koi kaam bina apne saathiyon ke mashwire ke na kiya jae. Agar khana banaya ja raha hai to uska Ameer alag banaya jaata hai, Gasht kari ja rahi hai to uska Ameer alag,
Darmiyani baat ka alag, Mulakaton ka alag. Har ek kaam itne acche intezaam ke saath hota hai ki aqal hairan rah jaati hai.
Wo log jo ghar me apne Maa- Baap ki nahi mante, Jamaat ke andar aa kar Ameer ki har baat sunte hai aur mante hain. Na jaane kitno ki zindigiyaan sudhar gayi hain.
Mere bhaiyo ALLAH Subhana-wa-taala ka irshad hai ki " Ae Imaan walo! ALLAH Se Daro Aur Unke Saath Hojao , Jo Sachche Hain ( Apne Kahne Aur Karne Dono Me ) ."
[ Q u r a n : Surah Tawbah 9:119 ]
Meri aap sab se darkhwaast hai ki Tableeghi Jamaat ka zaroor saath de.
Dosto aapas me jud jao, ladai band karo, jalan aur hasad se bacho...........
Khuda ke waaste ye Imtihaan ka waqt hai. Is waqt me jhagde-fasaad se hal nahi niklega. Aapas me jud jao....
Ek dusre ka saath do....
Ek dusre ki kamiyan nikalna band karo....
ALLAH se tauba karo....
ALLAH ki zaat se ummed hai ki wo hume bakhsh dega aur hamare halaat ko badal dega.
ALLAH mujhe aur aap sab ko taufeeq de... AMEEN.!
jazaakAllah khair
_________________ ______________ _______________
:
JIHAD KA BAYAN:
KHAAS JIHAD KA MATLAB HAI KUFFAR AUR LADNE WALON KE SAATH JUNG FARZ KIYA GAYA HAI, KUCH LOG YE FARZ ANJAM DE RAHE HON TO BAKI LOGON SE POORA HO JAATA HAI ISLIYE KI ALLAH KA FARMAN HAI
"AUR YAH MUNASIB NAHI KI SAARE MUSALMAN NIKAL PADE, AISA KYON NA KIYA JAAYE KI HAR QAUM ME SE KUCH AADMINIKLEN AUR DEEN KI SAMJH HAASIL KAREN AUR JAB APNI QAUM ME AAYE TO UNKO DARAAYE TAAKI WO BURE KAAMO SE BACHTE RAHEN"
ALBATTA JIN LOGON KO IMAM MAAN KARKE JIHAD KA HUQM DE UNKE HAQ ME FARZ-E-AIN HAI
RASOOLLULLAH KA IRSHAD HAI:
"AUR JAB TUMHE JIHAD KE LIYE NIKALNE KE LIYE KAHA JAAYE TO NIKLO (BUKHARI,MUSLIM)
ISI TARAH AGAR DUSHMAN KA KISI SHAHER PAR HAMLA HO JAAYE TO US SHAHER KE SAB BASHINDON AURTON SAMET SAB PAR SURAKSHA AUR LADAI FARZ HO JAATI HAI
2- JIHAD KI QISME:
2.1 KUFFAR AUR LADAI KARNE WALON KE SAATH, HAATH, MAAL,ZABAAN AUR DIL KE SAATH HOTA HAI, IS LIYE KI NABI KA FARMAAN HAI:
" MUSHKIREEN KE SAATH APNE MAALO, JAANO AUR ZABAANO KE SAATH JIHAD KARO"
(AHMAD,ABU DAWOOD,NISAI)
2.2 ALLAH AUR USKE RASOOL KO NA MANNE WALON KE SAATH JIHAD BHI, JABAAN AUR DIL KE SAATH HOTA HAI,AAP KA FARMAAN HAI:
" TUM ME SE JO KOI BURA KAAM DEKHE TO USE AGNE HAATH SE ROKE AGAR ISKI TAKAT NAHI HAI TO ZABAAN SE ROKE ,AGARISKI BHI TAQAT NAHI HAI TO DIL SE HI BURA JAANE AUR YE KAMZOR TAREEN IMAAN KA DARJA HAI"
2.3 SHAITAAN KE SAATH JIHAD YE HAI KI USKE INSAAN KE DIL ME PAIDA KIYE GAYE WASOOSE(IKHTELAAF) KO KHATM KAR DE AUR USKE SAJAY HUE KAAMO KO TARK KAR DE IS LIYE KI ALLAH TAALA KA FARMAN HAI
"SHAITAN TUMHARA DUSHMAN HAI ISE APNA DUSHMAN SAMJHO"
2.4 NAFS KE SAATH JIHAD YE HAI KI INSAAN APNE NAFS KO DEENI KAAMO KI TALEEM AUR AMAL PAR LAGAAYE AUR NAFSAANI ZARURATON SE DOOR RAHNE AURNAFS KI BURAIYON SE DOOR RAHE AUR BACHNE KI KOSHISH KARE
AUR YEH JIHAD KI QISMON ME SABSE BADI HAI
3-JIHAD KI HIKMAT
JIHAD KI SAARI KISMON ME YAH HAIKMAT POSHIDA HAI KI EK ALLAH KI IBADAT KI JAYE AUR ZULM AUR BURAIYON KO MITAAYA JAAYE,JAANON AUR MAALON KI SURAKSHA KI JAAYE , SACH(TRUTH) WA INSAAF KA BOLBAALA HO AUR KHAIRAT WA SAWAAB KEKAAM PHAILEN,
ALLAH TAALA FARMATE HAI:
"AUR UNSE LADTE RAHO YAHAN TAK KI BURAI AUR BIGAAD NA RAHE AUR INSAAF WA ALLAH KI FARMABARDARI HO"
TO BE CONTINUED....
DAHSHAT GARDI KE KHATME KA WAAHID RASTA
Zulm o Sitm ke Khatme Ka Waahid Rasta. (read it carefully)
Ek Zamana tha jab MUJAHIDEEN E ISLAM ki TALWARO ki JHANKAR se Zameen ke Khudao par Kapkapi Tari thi aur unke Fatihana Aqdamat ke Samne Dunya ki badi se badi Taqat bhi Rukawat khadi nahi kar sakti thi; Us Waqt ke SUPER POWER ROME O IRAN ka Qila Fateh horaha tha aur ISLAMI saltanat ka daira Wasee se Wasee tar hota jaraha tha, Un BeMisaal Futuhaat ko kabhi kisi MUARRIKH ne KHOON REZI or DAHSHAT GARDI ki taleem ka natija qarar nahi dya.
TAREEKH GAWAH hai k HAQ KE ALAM BARDARO ki Us Jamat ka QADM jis Zameen par pada, Wahan se ZULM O ZIYADTI ka KHATMA hua aur AMAN O SUKOON ki aisi FIZA qayam hui ke log MUJAHIDEEN E ISLAM ke AQDAMAT se MUTASIR ho kar JAUQ DAR JAUQ HALQAE ISLAM me DAKHIL hone lage.
Ab jab ke Islam ke Urooj ka AFTAB dhal chuka hai, Islam pasando ki TALWAREN ZANG ALOOD ho chuki hai aur JIHAD ki FARZIAT NAYE NAYE HEELON ki Shikar hai; maghribi Aqwaam ki janib se islam par ye Bohtan e Azeem lagaya jaraha hai k Iska Nazarye JIHAD SHIDDAT pasandi aur DAHSHAT GARDI par mabni hai.
Almiya to ye hai k s tarah ke be bunyad AETRAZAAT ki paidaish un AQWAAM ki jaanib se Ho rahi hai jin ka DAMAN MAZLOOMO ke KHOON se SURKH hai, jinki DAHSHAT GARDI se aj Puri DUNYA MUTASIR hai, Jinke Nazdeek INSANI HUQOOQ ki Koi Qadr o Qeemat nahi hai.
Ye Yaad Rakhen DUNYA me AMAN lana hi Jihad ka Maqsad hai.
Jihad FITNA O FASAD Ko Khatm karne ka Naam hai, DAHSHAT GARDI KO MITANE KA NAAM JIHAD HAI,
ALLAH KI ZAMEEN KO ZULM O SITAM , FITNA O FASAAD, SHIRK O KUFR Se Paak karne ka Naam Jihad hai.
Aaj hum khud JIHAD ki aslyat Bhool gaye hai. Bhaiyo TAREEKH padho.
⚔
Home | Noaman.Wapka.Me
No comments:
Post a Comment